Libreng HIV Testing

Libreng HIV Testing

Adunay libre nga HIV Testing nga gipahigayon didto sa Bohol Institute of Technology-International College (BIT-IC Jagna) karong hapon Oktubre 22, 2019 nga gipanguluhan sa Municipal Health Office (MHO) sa lungsod sa Jagna duyog sa ilahang yearly Education Campaign.

CIVIL WEDDING – Galamiton Couple

CIVIL WEDDING – Galamiton Couple

Usa nasad ka Civil Wedding ang gipahigayon karong buntag nga gipanguluhan ni Mayor Joseph Achacoso Rañola. Ang maong gikasal si Mrs. Edna Baydal-Galamiton og si Mr. Arvin Clay Galamiton nga mga taga Casisang, Malaybalay City, Bukidnon.

CIVIL WEDDING – Abatayo Couple

CIVIL WEDDING – Abatayo Couple

Usa ka Civil Wedding ang gipahigayon karong buntag sa buhatan sa Mayor nga gipahigayon ni Mayor Joseph Achacoso Rañola. Ang maong gikasal si Mary Grace Galamiton-Abatayo usa ka lumulupyo sa barangay Malbog ug si Marjun Jemino Abatayo nga taga barangay Estaca, Dagohoy.

Training para sa mga Mag-Uuma

Training para sa mga Mag-Uuma

Nagpahigayon ug duha ka adlaw nga training ang Municipal Agriculture Office (MAO) gikan Oktubre 17 hangtud sa Oktubre 18, 2019 kabahin sa Financial Literacy nga gipanguluhan sa Agricultural Training Institute. Lakip sa maong training ang mga mag-uuma gikan sa lungsod sa Jagna ug Guindulman.

Tumong sa maong kalihukan nga makahatag ug mga pamaagi sa mga mag-uuma kung unsaon pag dumala sa ilang kwarta nga dili kini mausik. Gihatagan pod sila og mga tips kung unsaon patubo-on ang kwarta pina-agi sa pag negosyo’g ginagmay.

Apil nga gihisgotan ang mga Agricultural Credit and Financing Programs nga gihimo sa Department of Agriculture (DA) nga pwede ma-avail sa mga mag-uuma.

3rd Municipal Development Council

3rd Municipal Development Council

Nagtapok ang mga barangay kapitan sa kada barangay sa Jagna ug ang mga representatives sa Non-Government Organizations (NGOs) para sa ikatulo nga panagtigum sa Municipal Development Council karong Oktubre 15, 2019 sa Captain Goyo Hall.

Pormal nga gipahibalo ni Mayor Joseph Ranola nga na-aprobahan na ang 69 million nga Supplemental Investment Plan. Tungod niini makadawat ang kada barangay ug Php300,000 nga para sa pagahimoon nilang economic and social development projects.

Technical Budget Hearing

Technical Budget Hearing

Usa ka Technical Budget Hearing para sa tuig 2020 ang gipahigayon karong October 14, 2019 sa Captain Goyo Hall. Kini gipanguluhan ni Mayor Joseph Ranola apil ang mga department heads ug mga representatives sa ubang mga buhatan, mga myembro sa 10th Sangguniang Bayan (SB) nga gipanguluhan ni Vice Mayor Ted Abrenilla, ug mga myembro sa Local Finance Committee (LFC).

Unang gihisgotan ang bahin sa Annual Investment Plan (AIP) nga gipanguluhan ni Engr. Gerry Araneta diin gi aprobahan kini human sa pipila ka mga diskusyon.

Ikaduha mao na ang paghisgot sa detalye bahin sa 2020 Technical Budget Hearing. Kada tuig kini buhaton nga kalihukan aron mahibaw-an kung asa paingon ang kwarta sa Local Government Unit (LGU) og unsa ang mas gipakadak-an sa budget.