Nakighinabi si Mayor Joseph Rañola sa mga representative sa piniling eskwelahan sa Jagna karong hapon October 3, 2019 sa iyang opisina para sa umaabot nga Provincial Daygon and Belen Contest.

Hashasan ang mga estudyante sa Central Visayan Institute Foundation (CVIF), Colegio De la Medalla Milagrosa (CMM) og Bunga Mar Elementary School nga maoy mo representar sa atong lungsud sa Jagna. Gihatag na sa maong mga skwelahan ang guidelines, requirements og schedule sa provincial nga contest.

Mihatag usab og mga ideya si Mayor Rañola para mas mahimo pang nindot og mas competitive gyud ang presentasyon sa lungsod alang sa maong contest.

Adunay gipahigayon nga Road Clearing Validation ang Department of Interior and Local Government (DILG) ni aging October 3, 2019 base sa gipagawas nga DILG memorandum circular 2019-121.

Ang tumong sa maong kalihukan kay aron makita kung nagpabilin ba gyud nga nagtuman ang usa ka lungsod sa Road Clearing Operation nga gipahigayon ni aging September 25, 2019.

Adunay Municipal Validation team gikan sa Lungsod sa Duero ang nibisita sa Jagna aron maoy mu susi kung nituman ba gyud ang Jagna sa maong kalihukan o wala.

October 2, 2019

Nag misa si Fr. Dominador Amoncio sa Captain Goyo Hall sa Municipal Building ganehang 8:30 sa buntag kauban sa mga staff sa LGU-Jagna. Every first Wednesday sa Buwan ang schedule sa Misa nga pagabuhaton sulod sa munisipyo.

Nagpahigayon og Gender and Development (GAD) orientation ang LGU Jagna sa ni aging October 1, 2019 sa Captain Goyo Hall sa municipyo para sa mga bisita nilang barangay officials gikan sa Masagana, Quezon city.

Duyog sa pagbisita sa mga opisyal ang gihimo nilang kalihukan nga “Lakbay Aral 2019 at Jagna, Bohol”. Katuyo-an nila nga makat-unan ang mga basic concepts sa Jagna bahin sa Gender and Development. Gipakadak-an sa maong orientation ang pagpanghatag og importansya sa mga kababayen-an sa lungsod labi na sa politika.

Matud pa kang Engr. Gerry Araneta, nga mao ang atong Municipal Planning and Development Officer, mas tagaan og mas dako nga pundo gikan sa GAD budget ang Violence Againsts Women and Their Children (VAWC) og uban pang organisasyon o aktibidad nga para sa mga kababayen-an sa Jagna.

Gi-aksyunan dayun sa Jagna Waterworks System (JWS) ang nalabyan nila nga leaking sa Tejero sulod sa pangas cemetery ni aging October 1, 2019.

Nag leaking ang main line sa tubo hinungdan sa kusog kaayo nga paggawas sa tubig padulong sa dalan. Ilaha dayun kining gi-ilisan og bag-o nga coupling.

Adunay pagpanghinlo ang gibuhat sa kadalanan sa merkado hangtud sa Jagna tennis court ni aging September 30, 2019 sa buntag nga gipanguluhan sa Jagna Business Center (JBC) og General Services Office (GSO) nga parte sa after care committee.

Ang papel sa maong committee mao ang pagsiguro sa kalimpyo sa palibot inig human sa kada aktibidad og kalihukan sa pista.

Photos: