Basic Life Support (BLS) Refresher Course

Basic Life Support (BLS) Refresher Course

The Municipal Disaster Risk Reduction Management (MDRRM) conducts a-3 day training about Basic Life Support (BLS) on October 25-27, 2019 at the Captain Goyo Hall. Participants are the members of the Bantay Dagat, JEMRU/MDRRM, Municipal Social Welfare and Development (MSWDO) and the Barangay Action Officers.

The purpose is to refresh the participants regarding saving lives during an emergency. One of the highlights on the first day is about First Aid as well as some precautions to avoid harming oneself and the threatened person.

According to Mr. Michael Abueva, learning first aid doesn’t require a doctor’s degree, everyone can learn and be able to perform it.

 

“Listahanan” Program sa DSWD

“Listahanan” Program sa DSWD

Nibisita ang DSWD Enumerators sa opisina ni Mayor Joseph Ranola karong adlawa Oktubre 24, 2019 kauban si Municipal Social Welfare and Development Officer (MSWDO) Mrs. Alma Acera aron mu report bahin sa pagahimoon nilang Enumeration sa mga barangay sa Jagna.

Programa kini sa Department of Social Welfare and Development para sa mga kabos nga pamilya nga wala gyuy source of income. Mahimo kining basehan kung pila og kinsa ang mga pwedeng mahimong beneficiaries sa mga programa sa DSWD pareha sa Pantawid program.

Gitagaan ni Mayor Joseph Ranola og supporta ang mga DWSD Enumerators bahin sa ilahang transportasyon padung sa lagyong mga barangay sa Jagna nga ilang adto-on.

                                                                                                                                    

 

Regional Commission on Population (POPCOM)

Regional Commission on Population (POPCOM)

Nagpahigayon ug usa ka panagtigum ang Regional Commission on Population (POPCOM) karong Oktubre 24, 2019 aron makighinabi kang Mayor Joseph Ranola kabahin sa ilahang mga serbisyo ug programa para sa lungsod sa Jagna.

Usa sa ilahang mga programa ang Responsible Parenthood and Reproductive Health nga gibuhat aron mapaubos ang kaso sa teenage pregnancy kay gi deklara na kini nga “national emergency” sa Department of Health tungod sa nagkataas nga kaso niini sa Pilipinas.

HIV Counseling and Testing @ Jagna Gym

HIV Counseling and Testing @ Jagna Gym

Gihimo ang libre nga HIV Counseling and Testing sa Jagna Gymnasium karong Adlawa Oktubre 24, 2019 8:00am hangtud 2:00pm nga gipanguluhan sa Municipal Health Office (MHO).

Mu-agi una ug pre-counseling ang mga magpa HIV testing kabahin sa HIV ug AIDS. E-counseling usab sila inig human sa test aron mastoryahan sila bahin sa resulta.

 

#S.A.N.A All Health Education

#S.A.N.A All Health Education

Nagpahigayon ug Health Education ang Municipal Health Office (MHO) sa lungsod sa Jagna ngadto sa mga studyante sa  Bohol Institute of Technology-International College (BIT-IC Jagna) karong adlawa Oktubre 22, 2019.

Ang maong programa ginganlan ug #S.A.N.A All o “Sama-sama Aksyonan Natin ang All for Mental health, All for Healthy us & All for Me”. Ang tumong sa maong kalihukan mao ang pag edukar sa mga studyante kabahin sa Mental Health issues og usab mahitungod sa HIV og AIDS.

Nahisgotan ang mga sintomas og mga rason nganong magka HIV ang usa ka tawo nga posibling mahimong AIDS kon dili kini matambalan dayun. Gisaysay usab ang mga pamaagi unsaon nga malikayan ang maong makalilisang nga sakit.

Health Consultation

Health Consultation

Nagpadayon gihapon ang libre nga health consultation kada lunes hangtud biyernes 8:00am-5:00pm sa Rural Health Unit 1 (RHU1) nga naa sa Poblacion, Jagna ug sa Rural Health Unit 2 (RHU2) nga naa sa Proper Mayana.