Health Consultation

Health Consultation

Nagpadayon gihapon ang libre nga health consultation kada lunes hangtud biyernes 8:00am-5:00pm sa Rural Health Unit 1 (RHU1) nga naa sa Poblacion, Jagna ug sa Rural Health Unit 2 (RHU2) nga naa sa Proper Mayana.

Solar Streetlights sa Jagna

Solar Streetlights sa Jagna

Naaprobahan na ang Php18.3 milyon nga budget para sa proyekto ni Mayor Joseph Ranola nga Solar Streetlights sa Jagna.

Gibana-bana nga naa sa 230 kapin ang ipamutang nga streetlights gikan sa barangay Alejawan hangtud sa Can-uba. Palibutan pod ang circumferencial road sa merkado ug plaza. Naa sa 50-80 metros ang distansya sa kada streetlights depende sa lugar nga kabutangan niini.

Gilantaw nga mahuman kining maong proyekto karong Disyembre niining tuiga.

Senior Citizen’s Day

Senior Citizen’s Day

Nagpahigayon ug Senior Citizen’s Day ang Municipal Social Welfare and Development Office (MSWDO) karong Oktubre 15, 2019 duyog sa National Elderly Month. Tibook adlaw kini nga kalihukan kauban ang mga senior citizens sa nagka-lain laing barangay sa lungsod sa Jagna.

Gi-grupo by cluster ang mga senior citizens ug nag parada sila gikan sa St. Michael the Archangel Church diin gipahigayon ang osa ka Santos nga Misa hangtud sa Jagna Gymnasium. Nilakip si Mayor Joseph Ranola aron muhatag sa iyang mensahe ug naay tagsa-tagsa nga dance presentation ang kada grupo.

Adunay libre nga blood pressure monitoring para sa mga senior citizen nga gusto magpakuha og blood pressure. Aduna pod silay libre nga snacks og paniudto.

Barangay Tejero-Poblacion Livelihood Program Association Blessing and Ribbon Cutting

Barangay Tejero-Poblacion Livelihood Program Association Blessing and Ribbon Cutting

Pormal nga gi bindisyunan ug gi abrihan ang usa ka Bigasan Business didto sa Barangay Tejero ka ganina Oktubre 8 sa buntag. Gi panguluhan ni Rev. Father Viodor ang maong pag bindisyon ug gi sundan kini diritso sa ribbon cutting ceremony nga gi panguluhan ni Kagawad Noelle Acedillo, Kagawad Maricris Jamora ug Executive Assistant Antioco Lloren. Ni hatag usab ug mensahe ang representante sa Mayor nga si Antioco Lloren, Municipal Social and Welfare Development(MSWD) Head Alma Acera, Brgy. Tejero-Poblacion Sustainable Livelihood Program Association Estrellita Regudo, ug Brgy. Tejero Kagawad Alejandro Rana Sr isip pag hatag ug inspirasyon sa pag palambo sa maong programa.

Ang maong Bigasan Business usa ka Sustainable Livelihood Program Association sa Tejero-Poblacion nga gi pondohan sa Department of Social and Welfare Development o DSWD kini para sa mga kababainhan sa Tejero ug Poblacion. Dakong pasalamat ka nila nga aduna na silay panginabuhian nga makatabang sa ilang pang adlaw-adlaw.

Pagsusi og Pag-aproba sa mga Palitonon

Pagsusi og Pag-aproba sa mga Palitonon

Gisusi og gi-aprobahan sa mga myembro sa Bids and Awards Committee (BAC) ang mga palitonon sa kada departamento miaging October 7, 2019 sa Goyo Hall.

Gitambongan sa Barangay Kapitan sa Canjulao nga si Kapitan Felix Mejorada kay siya maoy recipient sa pagabuhaton nga Barangay Health Station sa Canjulao nga padung na e-bid.

Faith Tourism and Hydro Power in Lonoy

Faith Tourism and Hydro Power in Lonoy

10:00 sa buntag October 2, 2019, mibisita sa buhatan ni Mayor Joseph Ranola si Mr. Nelson Uy inubanan sa iyang asawa nga si Mrs. Zeny Uy aron makigstorya bahin sa Faith Tourism sa Jagna og Proposed Hydro Power sa barangay sa Lonoy.

Gi-imbitar usab sila Engr. Felix Pajo og Mr. Bernard Condor nga mga Radio Broadcaster sa DYMA Teleradyo sa San Miguel Cable Network, Inc., niining lungsod sa Jagna.

Mutabang si Mr. Uy sa pag pangita og mga investors para sa proposed project nga Hydro Power sa Lonoy.