Usa ang Senior Citizens sa gi tagaan ug pag tagad ni Mayor Joseph Ranola ug tungod niini nag pa tawag ug meeting si Mayor Joseph Ranola sa Department Heads nga sila  Municipal Social Welfare and Development (MSWD) Head Alma Acera ug Rural Health Unit (RHU) Head Dr. Arnold Cagulada apil na ang Senior Citizen President nga si Cruza Bagatsolon didto sa buhatan sa Mayor kagahapon September. 16 2019.

Kalain-lain ang mga na hisgutan sa maong panag tigum sama sa pa cake kada birthday sa mga senior citizens, wala nay solicit sa ilang tshirt, hinabang sa mga namatyan ug pag usa sa resources sa pag hatag ug maintenance sa mga senior citizens. Kining tanan gi planohan sa Mayor kauban ang Department Heads sa MSWD ug RHU kay matod pa sa Mayor adunay pundo nga gi gahin para niining mga programa.

Gusto usab sa Mayor nga mag himo ug Caravan nga mu adto sa mga ka baryohan o cluster kada semana para sa mga Senior Citzens ug uban pa mahitungod sa pa check-up ug pag hatag ug tambal. Ang maong Caravan gi planohan para sa mga katawhan sa Jagna nga layo sa sentro aron dile na sila mag lisod. Gi klaro usab sa meeting nga generic nga mga tambaw lang ang ihatag labi na sa pang maintenance sa mga Senior Citizens. Aduna usab laing meeting nga pagahimuon mahitungod niini ug laing meeting nga pagahimuon mahitungod sa mga Senior Citizens.