Jagna Public Market Cleanliness and Safety

Gi imbitaran sa osas mga tinugnayan sa Public Market nga si Mr. Joel O. Rosario ang mga manindahay sa painitan section sa usa ka panagtigum sa ni aging September 18, 2019 bahin sa “safety and cleanliness”.

Gi pahinumdum ang mga manindahay sa painitan section sa ilang mga obligasyon sulod sa matag-usa nilang pwesto. Lakip na niini ang pag gamit nila og usa o duha ra kabuok nga LPG tank. Gi pahinumduman pod sila nga ilang susihon kanunay ang ilahang mga LPG tank kung aduna ba kiniy mga leak. Kada buwan pod susihon ang ilang mga fire extinguishers.

Matud pa kang Joel O. Rosario, kung matuman nila kini nga mga butang mahimo pang mas limpyo og luwas ang pampublikong merkado sa Jagna. Samtang gipanindot ang merkado sa Jagna, gikinahanglan pod ang ilang kooperasyon isip mga manindahay. Ni uyon pod ang mga manindahay sa painitan section nga matuman sa ilahang obligasyon.